وأكتر شبح متجسد تم توثيق وجوده بالصور والفيديوهات ☝🏻
سيبوا اللي بتعملوه وركزوا معايا كويس
" آدم ايليس" شاب امريكى كاتب قصص مصورة و رسام مشهور على مواقع التواصل،
نقل سكنه من ولاية ( مونتانا ) لولاية ( نيويورك )حصلت معاه أحداث غريبة مع شبح لطفل اسمه "ديڤيد" الـ كان بيجيله ف كوابيسه لكن بعد كدا خلى حياته كوابيس..
و ف الغالب بيشار إليه بـ "dear David" أو "عزيزي ديفيد" كتير شكوا بصدقه، لكنه موثق الأحداث 👌🏻
وكمان موجود الريكور
الأحداث بالترتيب كدا..
أولاً: آدم ايليس Adam Ellis انتقل لشقة في نيويورك و استقر هناك ..
ومن اول يوم له ف الشقة وهو حاسس بطاقة سلبية وخنقة وتوتر عصبى..، وابتدى ييجى لآدم حالة من شلل النوم، و كوابيس كتير مختلفه عن بعضها ..
لكن العامل المشترك بينها هوا ان كل كوابيسه بيظهر فيها طفل عنده 7 او 8 سنين .. لابس لبس بيت ( بنطلون قماش أبيض + تيشيرت مخطط بالعرض احمر × أبيض )، لحد دلوقت شكله طبيعي .. بس راس الطفل ده مكنش شكلها طبيعي؛ لأن نص راسه الشمال من فوق كان متطبق ومش موجود، تقدروا تقولوا كدا طفل ب راس إلا ربع..
بسبب الكوابيس دى كان بينام بمعاناه.. واخيرا عرف آدم يروح في النوم ..
وحلم تاني، لكن المرادي ظهرت له بنت وقالت له "هل رأيت عزيزي ديفيد" ؟ فقال "نعم" قالتله "احببته؟" فقالها "خفت منه" ، ومن هنا عرف آدم اسم الشبح اللى بيطارده ف كوابيسه،
و بعد الحلم دا مر أسبوع كامل ومجاش ديفيد، لكن ف الأسبوع التاني ظهر له ديفيد في أحد أحلامه وسأله "ما الذي حدث لك؟ " فأجاب ديفيد "حادث في متجر " فسأله آدم "وكيف مت؟" فقال" سقط علي رف "فسأله ادم "من دفعه عليك؟" فتغيرت ملامح ديفيد للغضب .
الصبح حاول آدم أنه يجمع معلومات من الصُحف و من جوجل عن خبر وفاة طفل اسمه ديڤيد أقل من 10 سنين سقط عليه رف..
لكنه فشل وملقاش أي حاجه..
كل اللي عرفه ان المبنى ده كان بيت أسره واحده قبل مايتحول لشقق، عشان كدا قرر ينقل سكنه للشقة اللى ف الدور الـ تحته، ف المبنى نفسه .
و وقفت الأحداث المرعبة لمدة من الزمن، لحد ما لاحظ ان القطتين بتوعه بيفضلو باصين للباب ف نص الليل بالظبط و بيحاولو يبصو من تحت عقب الباب ف قرّب من العين السحرية الموجودة ف الباب وصوّر صورة بس مالقاش فيها حاجه غريبه يعنى..،
القطتين فضلوا مركزين مع الباب حوالي 15 دقيقة و ف خلال المدة دى كان بيسمع أصوات غريبة و زى التصفيق كدا..
و زى أى حد.. عنده فضول كان عاوز يعرف ايه اللى ورا الباب، لكنه خايف ف نفس الوقت، ف النهاية تغلب على خوفه و قرّب من العين السحرية تانى وصوّر صورة
الغريبة بقى انه لما قارن الصورتين ببعض لاحظ ان فى لوح خشب اتحرك من مكانه لوحده (حطالكم ف الصور مقارنة بين أول صورة التقطها و التانية)
رجع آدم لسريره وكان مرعوب وكتب على تويتر للفولورز بتوعه عن اللى حصل، وعدى عليه كذا يوم من غير كوابيس .. من غير ديفيد ..
بس برضو القطط كل يوم الساعه 12 بليل بتعمل نفس الشئ .. وآدم بيسمع نفس الأصوات ..
فالفولورز قالوله فكرة.. إنه يحمل تطبيق بيسجل الأصوات بليل اوتوماتيك لما يستشعر صوت، وفعلاً عمل كده.
. ولما صحى لقى التطبيق مسجل حوالي 33 تسجيل على الرغم من أن واحد بس كان مهم و نقدر نسمع أصوات غريبة شبه تيار الكهرباء المكتوم فيه، اللي عايز يسمعه هيلاقيه في اللينك ده
و ف الـ weakened خرج آدم مع صحابه وحكالهم على كل الـ حصل معاه وسمعهم الريكورد ف اقترحوا عليه يشترى كاميرا فورية( كاميرا بتحمض وتطبع الصوره في 4 ثواني بس)
وفعلاً عمل كدا و صور كام صوره للغرف و للبيت وكانت طبيعية
باستثناء أنه لما حاول يصور الممر كان الممر حالك السواد ع الرغم من أنه كان مضئ، ف خد صوره بموبايله وطلع منور برضو عادي، عكس صورة الكاميرا اللي بتطلعه معتم،
وقتها بعض المتابعين قالوله أنه ممكن يكون خللاً في الكاميرا فقال احتمال ممكن وصور صوره للممر وصور صوره وهوا سادد العدسه بصابعه .. والعجيب ان صورة ممر باب الشقه أغمق وأعتم من صورة عدسة الكاميرا المسدوده.
رجع آدم للسرير و نام جاله كابوس مفزع حس ان حد كان ماسك معصم ايده جامد ف الكابوس
و لما صحى كان لسه بيحس بآلام و آثار الضغط على ايده، لكنه فكر بتفسير منطقي وقال أنه ممكن بسبب اصطدام ايده بالمكتب القريب من سريره ، وجهز نفسه للخروج من المبنى،
لكن لما خرج خد باله أن موقف العربيات الـ جمب المبنى و اللى مقفول بقاله أربع سنين مفتوح،
الفضول خلاه يبص جوا المخزن .. الرعب مش ف كده ..
اللي رعب آدم انه لقى الكرسي اللى كان بيشوف ديفيد قاعد عليه ف كوابيسه محطوط ف نص المخزن، قديم وعليه تراب وعفار بتاع سنين؛ (تقريباً آدم حس انه محتاج يستجم عشان كدا باظت خالص يعنى😅)
، فربط الكاميرات ف شقته وطلع اجازة قصيرة لليابان،
و راح للمعبد لكتابة أمنية فكتب "أرجوك أيها الإله احمي لي قططي أثناء غيابي"
-رجع آدم لـ نيويورك بسرعة و طبيعة الحال بيتفقد الفيديوهات فلقى ان بعض الكراسي و الكؤوس بتتحرك لوحدها، لكن على الجانب الآخر كان ممتن أن قططه بخير.
ومرت أيام.. وف مرة وهو ف للمطبخ حس ان حد بيراقبه، تجاهل.. لكن فى طاقة سلبية وتوتر ، فصور صورة مكنتش واضحة+ مظلمة فاضطر لتفتيحها ، وبعد التفتيح انصدم بوجود ديفيد بيراقبه..، وقتها كان هيتجنن💔
أطعم قططه ورجع سريره بسرعة ونام ، فحصل له كابوس من جديد وشلل نوم، بصعوبة قدر ف النهاية انه يصحى، كانت أنفاسه غير منتظمة و بيتعرق وقلبه بينبض بسرعة وكان خايف ينام من جديد، نفسية مدمرة..
انقطع آدم عن التغريد لفترة، ورجع قائلاً أنه بخير ، كل ما ف الأمر أنه قام بزيارة عائلته في ولاية مونتانا وتوقف عن استخدام الانترنت بسبب أنه أراد أخذ راحة ،
رجع آدم لـ نيويورك وجاب قسيس معاه للشقة وبعد اكتمال الطقوس غادر القسيس و انقطعت الأمور الغريبة والكوابيس لمدة شهر ،
بعدها بفترة راسله أحد الفولورز قائلاً أنه ثمة "ستوري" مرعبة له على الانستغرام و عند التدقيق ستلاحظ أن نصف وجه آدم مشوه .
حاول آدم تجاهل الموضوع على الرغم من الرعب ونام، وعينكم ماتشوف الا النور جاتله كوابيس مخيفه و مرعبة أكتر من اللى قبلها، إضافة لـ شلل النوم ديڤيد جالس على صدره، أصوات صراخ بشعة للغاية،
بعد الليلة دى أدرك تماماً أنه يجب عليه الانتقال وبالفعل انتقل.
بعد الانتقال قال آدم أن كل الأمور المخيفة توقفت ، ودلوقت عايش بسلام هو وقططه وقال أنه لن يقوم بتضخيم الأمور .
- كام واحد فيكم صحى ف يوم م النوم جسمه مزرق ؟؟
- كام واحد صحى جسمه مليان خرابيش وعلامات عض ؟؟
- كام واحد بيبقى قاعد حاسس إنه متراقب ومش لوحده ؟؟
ده الكرسي اللي كان بيشوفه في كوابيسه
اترك تعليقا:
