رهان علي قطع رجل طفل ...
الأخ اللي في الصوره ده مصور فيديو هو و واحد صاحبه مغمي عينه بقماشه و بيركب كانيولا في رجل طفل عمره يوم واحد !!
طبعا الفيديو تم تصويره في عدم وجود اسرة الطفل المسكين اللي سايبين الطفل معاهم أمانه و فاكرين ان اللي هيتعاملوا مع الطفل بشر زينا كده ... ميعرفوش ان أرواح الناس لعبه ممكن ناس تلعب بيها عادي كده !!
رجل الطفل في ايده مش باينه ... و الكانيولا فضلت داخل خارج بيها و الطفل يصرخ وهو ولا هامه ... المهم يكسب الرهان ... لانه لو خسر الرهان هيجيب فطار علي حسابه.
مش مهم بقي نقطع وتر من رجل الطفل ... مش مهم تقطع شريان ... مش مهم ... هنقول لاهله sorry ... قضاء و قدر.
عاوزين قانون يحمي التمريض و الدكاتره ... و يحمينا ... اسمحوا لنا نصور في اي مكان بيتم فيه تقديم خدمه ... عشان نقدر نوثق اي اعتداء علي حقكم و حقنا ... ولا ايه ؟
و عشان البلاغ يبقي بلاغ ... اللي في الصوره ده اسمه (مصطفي محمد عبد العزيز) من #أبوقرقاص قرية #صنيم و الواقعه حصلت في حضانه في ابو قرقاص ... و اللي معاه اسمه (صابر محمد) و اغلب الظن انهم غير حاصلين علي اي مؤهل طبي.
اترك تعليقا:
