بسم الله الرحمن الرحيم
اليوم انا جايب ليكم موضوع ناس كتير عانت منه فى تركيب معظم الشبكات
وهو ارتفاع المبانى بينك وبين العميل بمعنى انك لو بتبث من عماره 6 ادوار وبعديك بحوالى 1 كيلو او اقل او اكثر عماره
10 ادوار وبالتالى هاتقطع الاشاره يعنى الجزء اللى ورها مش هاتقدر توصلة
---------------------------------------------------------------------------
نشوف بقى الحل ------ التجربه المريوطيه جيزه
منذ حوالى شهر جالى عميل عاوز يركب شبكه مابين بيته وشركته اللى بتبعد عنه بحوالى 1500 متر
واتفقت معاه انى هاركبها
جبت عدد واحد بولت 2hp
انتنا ديركشن 14 tplink
وكونفكتر كبير فى صغير عشان الانتنا بتبقى مجهزه تركب على الكونكتر الصغير
ده كان فى نقطة الارسال
نيجى الى نقطة الاستقبال لقيت ان افضل حاجه للمسافة دى يدوب اكسس 701 tplink عشان مش عاوز احمله تكليف كتيره على الفاضى
المهم جه يوم التركيب وروحت للعميل عشان اركب وانا طبعآ متفائل شغلانه مش هتاخد منى اكتر من ساعه
وهناك لما طلعت فوق السطح كانت الصدمه
لقين على حوالى 500 متر 3 عماره ارتفاعهم 10 ادوارة والعماره اللى هابث من عاليها 6 ادوار
مع اننى نبهت على العميل قبل مااتفق معاه انه يكون شايف من العماره دى العماره التانيه
بس ماعلينا ده اللى حصل
-------------------------------------------------------------------------
فضلت افكر فى حل عشان اتغلب على المشكله دى ومالقتش غير حل واحد وهو
انى اعكس الاشاره من اى مكان
وكان الحل ده هو اللى عندى انى اجيبة اكسس تانى 701 وحطه فى اى مكان يعمل انعكاس للاشاره بحيث
انى اتفادى العائق ده
وانا وفرت له الاكسس وعملته ربيتر وهو بقى دوره انه يدور على عماره كل اللى مطلوب يركبه فوقيها ويديها كهربا
تقوم بعمل دورها وهو ربيتر لاشارة البولت الرئيسى
وعكسها على نقطة الاستقبال وفى نقطة الاستقبال اربطها بالربيتر
وبالفعل تم الحمد لله الموضوع بنجاح لان العميل قدر يوفر للربيتر مكان على بعد 400 متر ومن زاويه تانيه
وكانت النتيجه 95% بمعنى انها مافرقتش عن ربطها بالرئيسى اكثر من 5% ودى مايحسش بيه اى اى حد غير اللى فاهم شبكات
البيج من 2 الى 80 اثناء التحميل
والحمد لله تم الموضوع بنجاح وانا حبيت اعرض التجربه للافاده
ودى صوره بعض الصور تشرح تفاصيل للموضوع ملحوظه الصوره شرح تشبيهى بالموضوع مش الصوره الاصليه
واتمنى ان اكون وفقت فى الشرح
مهندس / وائل انور 01282795775
صورة للموقع قبل تركيب الربيتر تبين المبانى التى تعوق الاشارة قبل تركيب الربيتر
وهذه الصوره بعد تركيب الربيتر عاكس الاشاره كما نرى تم تغذية المنطقة التى كانت منعزله فاقدة الاشارة ونرى فى الرسم كيف انعكست الاشارة
وهذه صور اخرى تشبيهيه بالموضوع حتى تصل الفكرة
ارجو ان اكون وفقت للشرح وارجو فى حالة نقل الموضوع ذكرة حقوقى لاننى
تعبت فى صناعة الفكرة وشرحها
اترك تعليقا:
